/295/ duorum oppositorum, quod non est in rebus
naturalibus, in quibus, posita causa adaequata,
ponitur effectus.
EXERCITATIO XLV
Respondet secundo argumento.
Non aliter operantur homines, quam
ab astris in genitura disponuntur. Ipsis
igitur adscribi debet, si male operantur.
Respondent communiter Doctores inclinare
duntaxat astra, non cogere voluntatem nostram.
Ita Augustinus, libro 5. De civitate Dei, cap. 5. et 6.;
text. 2. Super Genesin ad litteram; in 2. De doctrina
Christiana; in libro 3. De Trinitate, et alibi. Sequuntur
Scholastici: Beatus Thomas, libro 3. Contra
Gentiles, cap. 84., 92. et 96.; in 2. Sententiarum, dist. 15., qu. i, art. 2.,
in i parte, qu. 115., art. 3. et 4.; De potentia, qu. 5., art. 8.; in
2. De generatione, prope finem et alibi; Scotus, in
2. Theologicarum Sententiarum, dist. 14, qu. 3.; et ibidem Bacconius
caeterique interpretes. At facili negotio
istorum auctoritas ab Astronomis refellitur,
utpote quia vix quid sint sidera Scholastici
norunt, nedum siderum virtutes. Ad
Claudium igitur Ptolemaeum appellant.
Non abnuo, non recuso. Ptolemaei dicamus
iudicium. Is, in libro l. De astrorum iudiciis, cap. 4., text.
24., ita loquitur: «Non autem existimandum est